[/b]
[b]Süd vəzi törəmələri və simptomları

Süd vəzi ilə əlaqədar şikayətləri olan xəstələrin müayinəsi mütləq anamnezin toplanması və fiziki müayinənin aparılmasından başlayır. Süd vəzi xəstəliyi ilə bağlı müayinə olunan xəstədə aşağıdakı dəyişikliklər müəyyən edilə bilər: süd vəzi daxilində əllənən şiş və ya qalın kütlə, döşün həcmi və ya görünüşünün dəyişməsi, döş ağrısı, döşün giləsindən drenaj və ya gilənin daxilə çevrilməsi və ya asimptomatik xəstədə mammoqrafiyada qeyri-normal tapıntılar.
Süd vəzi problemindən şikayət edən xəstənin anamnezi iki hissədən ibarət olmalı və iki mühüm məsələyə aydınlıq gətirməlidir – xəstənin şikayətləri və süd vəzi xərçəngi baxımından xəstənin malik olduğu risk faktorları. Anamnez zamanı xəstənin keçmiş tibbi və cərrahi tarixçəsi, qəbul etdiyi dərmanlar, allergiyaları barədə dolğun məlumat əldə edilməlidir.
Simptomların ilk dəfə nə zaman başladığı və neçə inkişaf etdiyi və ya dəyişdiyi barədə xəstədən detallı məlumat əldə olunmalıdır.
Simptomları təsvir edərkən aşağıdakılara diqqət yetirilməlidir:
- Süd vəzini ümumi görünüşündə dəyişikliklər, o cümlədən, ölçüsünün böyüməsi və ya azalması, simmetriyanın pozulması.
- Yeni və ya davamlı olan dəri dəyişiklikləri. Süd giləsinin daxilə çevrilməsi (inversiyası)
- Əgər süd giləsindən drenaj mövcuddursa, onun bir və ya iki tərəfli olması və ya hansısa konkret axardan olması dəqiqləşdirilməlidir.
- Döş ağrısının.
Süd vəzi şişinin mövcudluğu və inkişafı; ilkin olaraq şişin necə müəyyən edilməsi, ilk dəfə müəyyən edilmə tarixi; ölçüsünün dəyişməsi.
- Süd vəzi şişinin dəqiq lokalizasiyası.
Menstrual sikllə əlaqəli olaraq törəmənin böyüməsi və azalması. Xoşxassəli kistalar premenstrual dövrdə daha qabarıq müəyyən edilir və follikulyar fazada tənəzzülə uğrayır.