Qara zirə - Şərqin əfsanəvi dərmanı, şəfaverici bitkisidir. Qədim Misirdə həzm sistemi xəstəliklərinin müalicəsində, iltihab əleyhinə vasitə kimi, kosmetoloji problemlərin həllində, massaj yağı kimi stifadə ediblər. Qara zirəyə Böyük Britaniyada daha poetik bir ad veriblər- “Love-in-Mist“. Yəni “dumanlıqda məhəbbət”. Botaniki, yəni elmi adı isə “Black cumin” adlanır. Qara zirə yağı fironların sərdabələrində saxsı qablarda aşkar edilib. İslamda isə Məhəmməd peyğəmbərin qara zirə haqqındakı hədisindən sonra bu bitkiyə xüsusi rəğbət var. Ümumiyyətlə şərq ölkələrində “Qara zirə” ölümdən başqa bütün dərdlərin dərmanı hesab edilir. Rus d. “çernıy tmin”, Türkiyə türkcəsində ”çörek otu”, Bosna d. “crnog kima”, Qazax və Qırğız d.”kara zire”, Monqol d.”xar cumin”, Özbək d. ”qora zira”, Xorvat d. “crni kumin”, Çex d. “černý kmín”, Sanskrit d. ”krişn jirak“, Tamil d.”karaunji riqam”, Mal d. ”Karun çiraqam” adlanır.
“Hor sivilizasiyası və onun günümüzdə izləri” kitabından. F. Rüstəmova