Arpa – E.7000 il əvvəl 2 cərgəli yabanı növ, 5000 il əvvəl isə mədəniləşdirilmiş, yəni 6 cərgəli olan, bu dənli bitki, həyatın yenilənməsi, diriliş və məhsuldarlığın simvoludur. Ozirin/Osirin sərdabəsi üzərində, rezervuarda, nəmli əski üzərində qoyulmuş arpa səməni kimi cücərirdi və yenidən yaranmanın, dirilişin simvolu hesab edilirdi. Bəzən də torpaqdan və arpadan qatışdırıb su ilə yoğurub Ozirin fiqurunu düzəldərdilər, cücərmiş arpa bolluq və məhsuldarlıq, baharın gəlməsi, həyatın yenidən canlanmasının simvolu hesab edilərdi. Mumiyaların yanında, yəni fironlar dəfn edilərkən, xüsusi qablarda arpa da qoyulub. Qədim Misirdə arpadan pivə istehsal edilib (В. Д. Гладкий "Древний Мир" Том 2).
Latın d. “hordeum vulgare”, Azərbaycan türkcəsində, Özbək, Türkiyə türkcəsində, Qazax, Macar d. “arpa”, Bask d. “garagar”, Fransız d. “orge”, Niderland d. “gerst”, Katalon d. “ordi”, Alman d. “gerste”, Malta d. “xghir”, Rumın d. “orz”, İsveç d. “corn” və s. arpa deməkdir. Qədim qafqaz dillərində Arpaya “Kar” deyiblər. Dənin sümbüldən ayrılması prosesi və həmin ərazi “Xırman” adlanır.
“Hor sivilizasiyası və onun günümüzdə izləri” kitabından. F. Rüstəmova