“Karaerler, Garaerler” Deniz Karakurda görə Erlik Hanın oğullarıdırlar. Erlikin sarayını və ya yeraltının qapılarını bəklədikləri üçün “Qapı Bəkçiləri” deyə də anılırlar. Doqquz qat yeraltını simgələyən doqquz qardaşdırlar və bunlardan birinin adı da “Sokor – Tək gözlü“dür. “Bizim dildə bir ifadə var – gecənin kor qaranlığı, yəni gecə kor olaraq təsəvvür edilib”. Həm də İsida Qoru, ölü olan Osirdən hamilə qalaraq dünyaya gətirmişdi. Koroğlu isə qəbirdə ölmüş anasından doğulmuşdu. Belə ki, onun anası bir işıq selindən hamilə qalır və onu diri-diri qəbirə gömürlər. Koroğlu qəbirdə doğulur. Korluq qavramı, yalnız görməməyi deyil, həm də görünməməyi də bildirir. Məsələn, Xızır zaman –zaman kor olaraq təsvir edilib, çünki onun gözə ehtiyacı yoxdur. Şamanın mərasimlərdə onun üzünü örtən başlığı eyni zamanda korluğu da ifadə edir, yəni onu həmin vaxt qeyri adi, fövqəltəbii qüvvələr idarə etdiyi üçün, nəyi isə görməyə ehtiyac olmur.
“Hor sivilizasiyası və onun günümüzdə izləri” kitabından. F. Rüstəmova