Yaxın Şərqdəki münaqişənin kəskinləşməsi səbəbindən Avropa bazarında təbii qazın qiyməti 2023-cü ilin yanvarından bəri ilk dəfə 1000 kubmetr üçün 800 dolları keçib.

Axar.az xəbər verir ki, bu barədə Londonun ICE birjasının məlumatlarında qeyd olunub.

Bildirilib ki, bu tendensiya neft qiymətlərinin artması və Yaxın Şərqdə münaqişənin kəskinləşməsi fonunda müşahidə edilir.

Niderlanddakı TTF mərkəzində aprel ayına çatdırılma ilə qazın dəyəri 1 000 kubmetr üçün təxminən 820 dollara, yəni MVt/saat üçün 68.635 avroya yüksəlib (hazırkı məzənnəyə uyğun olaraq, ICE-də qiymətlər MVt/saat üçün avro ilə hesablanır).

Günün əvvəlindən kotirovkaların artımı 27%-i keçib.

Qeyd edək ki, daha əvvəl Avropa birjasında mavi yanacağın qiymətinin 1 000 kubmetr üçün 750 dolları keçdiyi barədə məlumat verilmişdi.