Suriyanın şimal-şərqində yerləşən “Al-Hol Camp” düşərgəsində saxlanılan 20 mindən çox məhbus qaçıb. Məhbuslar arasında İŞİD üzvləri və onların ailə üzvləri də var.

Globalinfo.az xəbər verir ki, bu barədə Financial Times mənbələrə istinadla məlumat yayıb.

Qəzet yazır ki, minlərlə məhbus hasarlardakı boşluqlardan istifadə edərək düşərgəni tərk edib və ölkə ərazisinə yayılıb. Onlardan bəzilərinin qeyri-qanuni yollarla İraq və Türkiyəyə keçdiyi bildirilir.

Məlumata görə, qaçışın kim tərəfindən təşkil edildiyi hələ dəqiqləşməyib.
Ehtimallar arasında həm Suriya hakimiyyətinin nümayəndələri, həm də İŞİD-lə əməkdaşlıq edən yerli tayfalar göstərilir.