Böyük Britaniya və Fransa hava qüvvələri Suriyada İŞİD-in yeraltı silah anbarına zərbələr endirib.

Globalinfo.az xəbər verir ki, bu barədə “BBC News” məlumat yayıb.

“Kəşfiyyat məlumatları ilə müəyyən edilən obyektin silah və partlayıcı maddələrin saxlanması üçün nəzərdə tutulduğu və Suriyanın mərkəzindəki qədim şəhər olan Palmiranın şimalındakı dağlarda yerləşdiyi güman edilir”, – deyə bildirilib.

Britaniya Müdafiə nazirliyi də bu barədə bəyanat yayıb:

“Təyyarəmiz obyektə aparan bir sıra tunelləri vurmaq üçün “Paveway IV” idarə olunan bombalarından istifadə edib. İlkin məlumata görə, hədəf uğurla vurulub”.

Nazirlik əlavə edib ki, şənbə günü axşam saatlarında baş verən hücum nəticəsində mülki şəxslərə zərər dəydiyinə dair heç bir əlamət yoxdur və bütün təyyarələr təhlükəsiz şəkildə geri qayıdıb.

BMT iddia edir ki, İŞİD-in Suriya və İraqda hələ də 5000-7000 döyüşçüsü var.