Ceffri Epşteynin Nyu-Yorkdakı mənzilində təhlükəsizlik sisteminin İsrail hökuməti tərəfindən quraşdırıldığı iddia edilir.

Publika.az xəbər verir ki, bu barədə "Drop Site News" saytı ABŞ Ədliyyə Nazirliyi tərəfindən yayımlanan bir sıra elektron poçtlara əsasən məlumat yayıb.

Bildirilib ki, təhlükəsizlik avadanlığının quraşdırılmasına 2016-cı ilin əvvəlində Manhettendə İsrailin keçmiş Baş naziri Ehud Barakın tez-tez ziyarət etdiyi binada başlanılıb.

Məlumata görə, Epşteyn avadanlığın quraşdırılmasını şəxsən təsdiqləyib və işçiləri ilə İsrail təhlükəsizlik rəsmiləri arasında görüşlərin keçirilməsinə icazə verib.

Elektron poçtlarda Ehud Barakın yaşadığı mənzildə təhlükəsizlik işlərinin ən azı iki il davam etdiyi və İsrailin Birləşmiş Millətlər Təşkilatındakı Daimi Nümayəndəliyinin rəsmilərinin təhlükəsizlik məsələləri ilə bağlı Epşteynin işçiləri ilə müntəzəm olaraq yazışdığı aşkar edilib.

İddiaya görə, həmin mənzillər tez-tez Epşteynlə əlaqəli şəxslərə kirayə verilib və yetkinlik yaşına çatmayan modellərin saxlanılması üçün istifadə edilib.