ABŞ Hərbi Hava Qüvvələrinin potensial münaqişədə Çini məğlub etmək üçün ən azı 500 altıncı nəsil qırıcı və yeni bombardmançı təyyarə əldə etməyi lazımdır.

Axar.az “Defense Nyus”a (DN) istinadən xəbər verir ki, Mitçell Aerokosmik Tədqiqatlar İnstitutunun analitikləri araşdırmalardan sonra bu qənaətə gəliblər.

"Strateji Hücum: Hərbi Hava Qüvvələrinin Düşmən Obyektlərini Məhv Etmə Qabiliyyətinin Qorunması " adlı hesabatda ekspertlər iddia edirlər ki, Vaşinqton Çinə qarşı mübarizə aparmaq üçün ən azı 300 F-47 qırıcısına və 200-dən çox B-21 Raider bombardmançısına ehtiyac duyur.

Bildirilib ki, ABŞ Hərbi Hava Qüvvələri 180 F-47 və təxminən 100 B-21 almağı planlaşdırır. Keçmiş F-16 pilotu və Mitchell İnstitutunun tədqiqat direktoru Heather Penny müasir münaqişələrdə çox sayda təyyarənin vacib olduğunu qeyd edib.

Onun sözlərinə görə, düşmən aktivlərinə kütləvi zərbələr endirə bilməyən və ya endirmək istəməyən ölkələr ağır qarşıdurmaya girmək riski daşıyırlar.