ABŞ ordusu Vaşinqton və Pekin arasında silahlı qarşıdurma baş verəcəyi təqdirdə Çin Xalq Azadlıq Ordusunun (PLA) ölkədəki hərbi-sənaye kompleksi (MİK) obyektlərinə və infrastrukturuna zərbələr endirəcəyindən ehtiyat edir.

Publika.az "Reuters"ə istinadən xəbər verir ki, bunu ABŞ Hərbi Hava Qüvvələrinin (HHQ) briqada generalı Daq Uikkert deyib.

"Əgər bu müharibə baş verərsə, burada baş verəcək" deyən o, hücumlara enerji təchizatı və digər infrastrukturun uzunmüddətli kəsilməsini ehtiva edən kiberhücumları əhatə edə biləcəyini iddia edib.

Uikkert Kaliforniya əyalətinin hakimiyyət orqanlarını ABŞ-ın yaxınlıqdakı hərbi-sənaye kompleksi obyektlərinə, xüsusən də "Northrop Grumman" təyyarə zavodlarına mümkün PLA zərbələrinə hazırlaşmağa çağırıb. General Pekini hərbi yolla cilovlamaq cəhdləri uğursuz olarsa, belə bir ssenarinin mümkün olduğunu deyib. Onun sözlərinə görə, Çini çəkindirməyin açarı bazanın qabaqcıl "B-21 Raider" strateji bombardmançılarıdır.

Materialda həmçinin ABŞ ordusu və rəsmiləri arasında 2027-ci ilə qədər Tayvanda mümkün PLA əməliyyatı ilə bağlı narahatlıqlara diqqət çəkilib. Qeyd olunur ki, ABŞ Hərbi Hava Qüvvələri komandanlığı II Dünya Müharibəsi zamanı Filippində və Sakit Okeanın qərbində kiçik təyyarə qruplarını yerləşdirmək üçün tikilmiş aerodromları bərpa edir.