Ukraynanın hərbi aviasiyası Rusiya ordusunun şəxsi heyəti, silah və texnikasının, sursat anbarları və zenit-raket kompleksinin cəmləşdiyi 12 əraziyə zərbələr endirib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Baş Qərargah Rusiyanın iki qırıcı-bombardmançı təyyarəsinin – “Su-34” və “Su-30”un məhv edildiyini də təsdiqləyib.

Ukraynanın raket qüvvələri qarşı tərəfin 2 artilleriya qurğusu və idarəetmə postunu vurub.

Eyni zamanda, Rusiyanın Ukrayna ərazisinə atdığı İran istehsalı “Şahid” tipli 31 PUA-dan 29-u hava hücumundan müdafiə qüvvələri tərəfindən məhv edilib.

Müəllif: Mənsur Rəğbətoğlu