İndoneziya yaxın vaxtlarda ABŞ Prezidenti Donald Trampın planı çərçivəsində Qəzzaya öz hərbçilərini göndərə bilər.

Axar.az xəbər verir ki, bu barədə İsrailin KAN televiziyası məlumat yayıb.

Bildirilib ki, hərbçilərin Qəzzanın cənubdakı Rəfah və Xan Yunis şəhərləri arasındakı ərazidə yerləşdirilməsi nəzərdə tutulub.

Məlumata görə, hazırda əsgərlər üçün yaşayış yerlərinin tikintisinə başlanılıb və bir neçə həftə ərzində hazır olacağı planlaşdırılır.

Sülhməramlıların bölgəyə nə vaxt göndəriləcəyi və neçə nəfərdən ibarət olacağı açıqlanmayıb.