“MDB ölkələri, xüsusən də Böyük Vətən müharibəsi ilə bağlı tarixi saxtalaşdırmaq cəhdlərinə qarşı birgə çalışmalıdırlar”.

Globalinfo.az xəbər verir ki, bunu Rusiya Prezidenti Vladimir Putin deyib.

“Biz ortaq tariximizin xatirəsini qorumaq və onun saxtalaşdırılmasının qarşısını almaq üçün birgə səylərimizi davam etdirməliyik.

Sizi gənclərin saysız-hesabsız itkilər bahasına müharibədə qalib gələn atalarımız, babalarımız və ulu babalarımızın qəhrəmanlıqları haqqında məlumatlı olmaları üçün əlinizdən gələni etməyə çağırıram”, – deyə o bildirib.

Putin əlavə edib ki, Rusiya hər bir respublikanın nasizmin məğlubiyyətinə verdiyi töhfəyə həsr olunmuş unikal arxiv materialları toplusunu, o cümlədən əvvəllər dərc olunmamış sənədlərin və fotoşəkillərin rəqəmsallaşdırılmış surətlərini nəşr etmək niyyətindədir.

Qeyd edək ki, MDB hazırda 9 üzv ölkədən ibarətdir: Ermənistan, Azərbaycan, Belarus, Qazaxıstan, Qırğızıstan, Moldova, Rusiya, Tacikistan, Özbəkistan.