Vladimir Putin bildirib ki, Rusiya Federasiyası və Belarus ittifaq dövlətinin və ola bilsin ki, digər KTMT ölkələrinin təhlükəsizliyini təmin etməyə borcludurlar.

Publika.az xəbər verir ki, bu barədə V.Putin belaruslu həmkarı Aleksandr Lukaşenko ilə Sankt-Peterburqda danışıqları zamanı deyib.

“Biz öz təhlükəsizliyimizi, İttifaq dövlətimizin və bəlkə də digər KTMT ölkələrinin təhlükəsizliyini təmin etməyə borcluyuq” - o, qeyd edib.

Putin iki ölkənin baş qərargah rəislərinə ittifaq dövlətinin təhlükəsizliyi ilə bağlı bütün detalları işləyib hazırlamaq tapşırılmasını təklif edib. Lukaşenka rusiyalı həmkarının təklifini dəstəkləyib.

“Müdafiə nazirliklərinə və Baş Qərargah rəislərinə bu birgə işin bütün təfərrüatlarını işləyib hazırlamağı tapşırmağı təklif edirəm”, - Putin bildirib.