Ağ Evdə keçirilən Hanukka tədbirində çıxış edən ABŞ Prezidenti Donald Tramp İsrailin Colan təpələri üzərində suverenliyini tanımaq qərarı ilə bağlı açıqlama verib.

Publika.az xəbər verir ki, Tramp Suriyaya məxsus Colan təpələrinin İsrailə təhvil verilməsi ilə bağlı "imza" atdığını bildirib.

O, atdığı bu addımı "İsrailin çoxdan gözlədiyi sürətli, qətiyyətli bir addım" kimi təqdim edib.

"Onlar 70 ildir ki, bunun üzərində işləyirlər. Heç kim heç nə etmədi, amma biz etdik və tez bir zamanda ", -Tramp qeyd edib.

O, bölgənin relyefi və hərbi dəyərini də vurğulayaraq, bunun müdafiə və bir çox başqa səbəblərə görə lazım olduğunu bildirib.