Türkiyənin Antalya şəhərində “Antalya Diplomatik Forumu”nun açılış mərasimi keçirilib.

Globalinfo.az xəbər verir ki, Azərbaycan Respublikasının Prezidenti İlham Əliyev və birinci xanım Mehriban Əliyeva tədbirdə iştirak ediblər.

***16:28

Bu dəqiqələrdə Türkiyənin Antalya şəhərində “Antalya Diplomatik Forumu”nun açılış mərasimi keçirilir.

Globalinfo.az xəbər verir ki, Azərbaycan Respublikasının Prezidenti İlham Əliyev və birinci xanım Mehriban Əliyeva tədbirdə iştirak edirlər.

***10:39

Türkiyədə IV Antalya Diplomatiya Forumu (ADF2025) işə başlayıb.

Globalinfo.az xəbər verir ki, Prezident Rəcəb Tayyib Ərdoğanın himayəsi və Türkiyənin Xarici İşlər Nazirliyinin (XİN) ev sahibliyi ilə keçirilən tədbir bu il “Parçalanan dünyada diplomatiyaya sahib çıxmaq” mövzusunu əhatə edir.

Dörd mindən çox qonağın qatılacağı ADF2025-də dünyanın 140-dan çox ölkəsindən 20-dən artıq dövlət və hökumət başçısının iştirakı nəzərdə tutulur. Tədbirdə 50-dən çox ölkə xarici işlər nazirləri də daxil olmaqla, 70-dən artıq nazirlə təmsil edilir. Foruma, həmçinin təxminən 60 yüksəksəviyyəli beynəlxalq təşkilatın nümayəndələri qatılır.

Üç gün davam edəcək tədbirdə müxtəlif coğrafiyaları əhatə edən məsələlər, o cümlədən iqlim dəyişikliyi, terrorizmlə mübarizə, humanitar yardım, rəqəmsallaşma, ərzaq təhlükəsizliyi və süni intellekt kimi qlobal gündəmin önəmli mövzularının müzakirə ediləcəyi 50-dən çox sessiyanın keçirilməsi nəzərdə tutulur.

***09:14

Türkiyənin Antalya şəhərində 11-13 aprel tarixlərində “Parçalanmış dünyada diplomatiyanın bərpası” mövzusunda keçiriləcək IV Antalya Diplomatiya Forumu öz işinə başlayır.

Globalinfo.az Teleqraf-a istinadən xəbər verir ki, forumda Prezident İlham Əliyev və Birinci vitse-prezident Mehriban Əliyeva da iştirak edəcək .

Bundan başqa, nümayəndə heyətinin tərkibində Prezidentin köməkçisi – Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev, Prezidentin xüsusi tapşırıqlar üzrə nümayəndəsi Elçin Əmirbəyov, Prezidentin iqlim məsələləri üzrə nümayəndəsi Muxtar Babayev, Yeni Azərbaycan Partiyası Mərkəzi Aparatın rəhbəri Tahir Budaqov, xarici işlər nazirinin müavini, COP29-un baş danışıqçısı Yalçın Rəfiyev, XİN rəhbəri Ceyhun Bayramov, müdafiə naziri Zahir Həsənov, Milli Məclisin deputatları Səməd Seyidov, Əhliman Əmraslanov, Əziz Ələkbərli, Nigar Arpadarai, Ramil Həsən də yer alıb.

Forumda dünyanın müxtəlif ölkələrindən dövlət rəhbərləri, diplomatik nümayəndələr, nazirlər və mütəxəssislər iştirak edəcəklər.

Qeyd edək ki, ənənəvi Antalya Diplomatiya Forumu hər il Türkiyənin Antalya şəhərində keçirilən beynəlxalq tədbirdir.

Bu platforma dövlət və hökumət başçıları, xarici işlər nazirləri, diplomatlar, akademiklər və digər yüksək səviyyəli şəxsləri bir araya gətirərək qlobal və regional məsələləri müzakirə etməyə imkan verir.

Forum çərçivəsində qlobal təhlükəsizlik, iqtisadi inkişaf, iqlim dəyişikliyi və digər aktual beynəlxalq məsələlər müzakirə olunur.