Avropa Şurasının prezidenti Şarl Mişel hesab edir ki, Rusiyanın BMT Təhlükəsizlik Şurasında üzvlüyünü dayandırmaq üçün mexanizm hazırlamaq lazımdır, çünki bu, beynəlxalq hüququ pozur.

Publika.az xəbər verir ki, o, bu barədə RTVI telekanalına müsahibəsində bildirib.

“Düşünürəm ki, beynəlxalq hüquqda qüsur var, çünki BMT Təhlükəsizlik Şurasının daimi üzvü olan Rusiya beynəlxalq hüququ kobud şəkildə pozur”, - o vurğulayıb. Eyni zamanda, Mişel Moskvanın tamamilə xaric edilməsini tələb etmədiyini qeyd edib.

Bununla belə, o, Rusiyanın üzvlüyünün dayandırılmasının hələlik mümkün olmadığını etiraf edib. Eyni zamanda, Mişel hesab edir ki, BMT-nin təhlükəsizlik konsepsiyası “artıq pisləşib” və “fəaliyyətində çoxlu çətinliklərlə üzləşib”. Bundan əlavə, o hesab edir ki, Afrika qitəsi BMT strukturlarında çox az təmsil olunur.