Berlində Almaniyanın baş naziri Olaf Şolzla görüşən Avropa İttifaqı Şurasının Prezidenti Şarl Mişel, AB ölkələrinin Rusiya yanacağından asılılığına son qoymaq üçün bir-biri ilə sıx əməkdaşlıq etdiklərini bildirib.

Publika.az xəbər verir ki, Mişel “təmkinli olmalıyıq” ifadəsini işlədib və əlavə edib ki, Kremldən gələn təhdidlərin gözümüzü qorxutmasına icazə verməməliyik.

Mişel AB üzvləri arasında birlik və bərabərlik içində hərəkət etməyə davam etməyin vacib olduğunu vurğulayıb:

“Burada zamanla rəqabət var. Enerji resurslarımızı və tədarük ehtiyatlarımızı araşdıranda görürük ki, Rusiya bizim üçün etibarlı aktor deyil”.

Almaniya kansleri Olaf Şolz deyib: “Mən Şimal dənizində LNG terminalları qurmağa çalışıram. Hollandiya, Belçika və Fransadan olan dostlarımızla gəlin görək bu vajinalarda qaz idxalını nə qədər azaldırıq. Qaz anbarlarını doldururuq. Qaz istehsalında elektrik enerjisindən istifadəni azaltmaq məqsədilə yenidən kömürlə işləyən elektrik stansiyası istifadəyə verilib”.

Rusiyanın Avropa ölkələrində demokratiyanı zəiflətmək istədiyini, lakin müvəffəqiyyətli ola bilmədiyini vurğulayan kansler əlavə edib ki, Rusiya müharibə ilə səhv hesab aparıb:

"Çünki biz avropalılar bir-birimizə yaxın və həmrəyik".

(teleqraf.com)