Avropa İttifaqı (Aİ) Ukraynaya 500 milyon avro dəyərində əlavə hərbi yardım ayıracaq.

Publika.az xəbər verir ki, bu barədə Aİ Şurasının Prezidenti Şarl Mişel sosial media hesabından məlumat yayıb.

Şarl Mişelin sözlərinə görə, Avropa İttifaqının xarici işlər nazirləri bu barədə dünən baş tutan iclasda razılığa gəliblər.

Aİ xarici işlər nazirlərinin Brüsseldə keçirilən iclasında qəbul edilən qərar Rusiyanın ölkəni işğal etməsindən sonra Ukraynaya göndərilən hərbi yardımın ümumi məbləğini 2,5 milyard avroya çatdırır.

“Avropa Ukraynanın yanındadır!” - Mişel qeyd edib.