Britaniya və Rusiya kəşfiyyatındakı mənbələrdən mediaya ötürülən informasiyalar ölümcül xəstəliyə düçar olan Prezident Vladimir Putinin vəziyyətinin ağırlaşdığını göstərir.
“Putində xərçəngin sürətlə irəliləyən forması var. Ona görə də buna görə də görmə qabiliyyətini itirir, əzalarında titrəmə baş verir, əhval-ruhiyyəsi idarəolunmaz halda dəyişir”.
“Daily Star” qəzeti Britaniya kəşfiyyatındakı mənbələrə istinadən belə yazıb.
“Putin çox xəstədir və öləndə onun ölümü aylarla olmasa da, həftələrlə gizli saxlanılacaq. Hətta ehtimal var ki, o, artıq ölüb. Bunu bilmək mümkün deyil”,-adıçəkilən mənbə qeyd edir. Xüsusi xidmət orqanından həmçinin bildirilib ki, Rusiya Prezidentinin KİV-dəki son çıxışları yəqin ki, əvvəlcədən lentə alınıb. Moskvadakı paradda isə Putinin yerində onun oxşarı ola bilərdi.
“Əsl qorxu (ətrafındakılar üçün) odur ki, onun ölümünün elanından sonra Kremldə çevrilişi baş verə bilər və rus generalları Ukraynanı tərk etmək istəyəcəklər... Putinin ölümü onları aciz və müdafiəsiz qoyacaq. Ona görə də onlar əksinə olarsa, Putinin sağ olduğunu söyləməkdə maraqlıdırlar”,-deyə “Daily Star” öz mənbəsinə istinadən yazır.
“Mirror” nəşri Rusiya kəşfiyyatındakı mənbəyə istinadən yazır ki, xərçəngin ağır forması səbəbindən Putin görmə qabiliyyətini itirir, əzaları nəzarətsiz şəkildə titrəyir və həkimlər Rusiya diktatorunun iki-üç ildən çox yaşaya bilməyəcəyini proqnozlaşdırırlar.
“Bizə dedilər ki, o, baş ağrısından əziyyət çəkir və televiziyada göründüyü zaman ona deyəcəyini oxumaq üçün hər şeyin böyük hərflərlə yazıldığı kağız parçaları lazım olur... Onlar o qədər böyük olur ki, hər səhifəyə yalnız bir neçə cümlə sığa bilər. Onun görmə qabiliyyəti ciddi şəkildə pisləşir... Həm də ayaqları da daim titrəyir”,- kəşfiyyatdakı mənbə belə deyib.
Nəşr həmçinin, Putinin görmə qabiliyyətini itirdiyini təsdiqləyən və idarəolunmaz əhval dəyişikliyindən danışan Federal Təhlükəsizlik Xidmətindən qaçaraq Britaniyaya sığınmış Boris Karpiçkova istinad edir.
“O, eynək taxmayacaq, çünki bu, zəiflik əlaməti olardı... Əvvəllər o, tabeliyində olanlara qarşı təmkinli idi. İndi isə qarşısıalınmaz qəzəb püskürür. O, tamamilə pərişandır və demək olar ki, heç kimə güvənmir”,-deyə Karpiçkov qəzetə açıqlamasında bildirib. Rusiyadakı sabiq“Mİ-6” (kəşfiyyat-red.) zabiti Kristofer Stil deyib ki, Putin tibbi prosedurlardan keçmədən fasiləsiz görüşlər keçirə bilməz. “Onu daim həkimlər briqadası müşayiət edir... Kreml bir az köpək balıqları olan hovuza bənzəyir. Hamısı ətrafda üzür, suda qan iyi gəlsə, döyüşə başlayırlar”.
2006-2009-cu illərdə “Mİ-6”-nın London xidmətində Rusiya şöbəsinə rəhbərlik etmiş Kristofer Stil bu yaxınlarda verdiyi açıqlamada Ukraynada baş verənlərin səbəblərindən biri kimi Putinin xəstəliyini göstərib.
Bundan əvvəl Ukrayna Müdafiə Nazirliyinin Baş Kəşfiyyat İdarəsinin rəisi Kirill Budanov da Putinin xərçəngdən də ağır xəstə olduğunu və onun aradan götürülməsi üçün Rusiyada çevriliş hazırlandığını bildirmişdi.