Keysəriyyə əməliyyatının keçirilməsi onun planlı və təxirəsalınmaz olmasından asılı olur. Birinci halda hamilə qadın əvvəlcədən əməliyyatın keçirilməsi vaxtını bilir və əvvəlcədən özünü buna hazırlamış olur. Bu zaman ana körpəsinin dünyaya nə zaman gələcəyini bilir və həkimin təyin ediyi preparatları qəbul edir. Planlı cərrahi əməliyyat zamanı hamilə qadına epidural (yerli, onurğa beyinə ağrıkəsici tətbiq etməklə) anesteziya tətbiq edilir. Bu anesteziya zamanı hamilə qadının huşu tamamilə özündə olur. Əgər əməliyyat ağırlaşmasız yerinə yetərsə, o zaman körpəni bir gündən sonra döş əmməsi üçün anaya vermək olur. İkinci gün isə ana ətrafdakıların köməyi ilə ayağa qalxır.
Əməliyyatdan sonra qadına nə zaman fiziki yük qaldırması barədə məlumatlar verilir. Bu ananın ümumi vəziyyətinə uyğun olaraq tədricən həyata keçirilir.
Təxirəsalınmaz keysəriyyə əməliyyatı zamanı isə xəstəni keyitmək üçün yeganə yol ümumi narkozdur. Bu zaman narkozun təsiri orqanizmin ümumi vəziyyətindən asılı olaraq bir və ya bir-neçə gündən sonra keçir.
İstənilən qeysəriyyə əməliyyatlı zamanı xəstəyə ciddi qidalanma rejimi təyin edilir. İlk günlər anaya yanlız adi su içmək məsləhət görülür. Bu ananın mədə-bağırsaq sisteminin işini yüngülləşdirmək üçündür. Xəstənin tikişləri lazım olduğu zaman sökülür(3-7 gün).