Spiral, yəni UDV haqqında!
Uşaqlıq daxili vasitələrin (tibbdə "spiral" belə adlandırılır) bəzi üstünlükləri və çatmayam cəhətləri var ki, onlar haqqında hər bir qadın məlumatlı olmalıdır.
İlk növbədə UDV yalnız sağlam qadına qoyula bilər. Belə ki, cinsiyyət sistemi iltihabi və infeksion xəstəlikləri, uşaqlıq boynu eroziyası, uşaqlıq və uşaqlıq boynu xərçəngi, submukoz miomalar, poliplər, uşaqlıq boynu travmalar və patologiyaları, əsasən də anamnezində boru hamiləliyi əməliyyatı olan qadınlarda "spiral"ın qoyulması üçün əks-göstərişdir. Bu səbəbdən "spiral" qoyulmazdan əvvəl qadın mütləq ginekoloqun müayinəsindən keçməlidir, lazım olduqda USM olunmalı, uşaqlıq yolu yaxması kimi analizlər verilməlidir. Uşaqlıq daxili vasitələr 100% hallarda hamiləlikdən qorumur. Statistikaya əsasən, "spiral"ı olan təxminən 1000 qadından yeddisində hamiləlik baş tuta bilər. Bir çox hallarda bu uşaqlıqdan kənar hamiləlik olur, yəni embrion uşaqlıq boşluğuna deyil, uşaqlıq borusuna, qarın boşluğuna implantasiya edir. Bəzən də tam normal hamiləlik baş verir və doğuşla nəticələnir.
Əslində düzgün qoyulmuş "spiral" nə qadın, nə də bu qadının partnyoru tərəfindən hiss olunmur. Uşaqlıq yolunda yad cisim hiss etdilərsə, qadın mütləq ginekoloqa müraciət etməlidir, çünki bu şikayət "spiral"ın yerinin dəyişməsinin və ya düşməsinin əlamətidir.
Təxminən 5-7% hallarda "spiral" düşə bilər ki, buna ekspulsiya deyilir. Bədən UDV-ni yad cisim kimi qovur. Həm də "spiral" heç bir dərman preparatların qəbulu və tibbi manipulyasiyaların həyata keçirilməsi üçün əks göstəriş deyil. Erkən vaxtlarda "spiral" menstruasiya müddətin uzanmasına və menstruasiya qanının çoxalmasına səbəb olur. Bu halda mütləq ginekoloqa müraciət etmək lazımdır."Spiral"ın təsiri ondan ibarətdir ki, mayalanmamım baş verməsinə mane olur. Bəzən də mayalanma olur, amma "spiral" mayalanmış yumurta hüceyrəsinin uşaqlığın divarlarına implantasiya etməsinə mane olur. Nəticədə mayalanmış yumurta hüceyrəsi məhv olur və qadın özü də hiss etmədən növbəti menstruasiya kimi özünü büruzə verir. "Spiral" qadın orqanizmində 5-10 il ərzində qala bilər. Sonra isə "spiral" çıxarılmalı, 1-2 menstrual dövr ərzində qadın lazımi müalicəyə ehtiyac varsa müalicə almalıdır və qadın lazım bilərsə "spiral" yenidən qoyula bilər. İldə 2 dəfə olmaqla ginekoloqun müayinəsindən keçmək çox vacibdir.
"Spiral" əsasən menstruasiyanın son günlərində qoyulur, çünki ən azından qadının hamilə olmamasından həkim əmin olur. UDV abortdan dərhal və bir neçə həftə, doğuşdan isə bir neçə ay sonra qoyula bilər. Uşağın əmizdirilməsi "spiral"ın qoyulması üçün əks-göstəriş deyil.
UDV, "spiral" istənilən vaxt menstruasiya zamanı həkim tərəfindən çıxarıla bilər.[/b][b]