Hor tanrısını doğub, böyüdən İsida istəyir ki, oğlu atası Osirin intiqamını Setdən alsın. Həlledici təkbətək döyüş Nil çayının deltasında baş tutur. Set daşdan, Hor isə özünə akasi-ya ağacından bir qayıq oymuşdu. Akasiya Qədim Misir dövründən dözümlülüyün, intibahın, ölümsüzlüyün simvolu olub. İsida ölmüş və mumiyalanmış Osirdən uşaq doğduqdan sonra, Qədim Misirdə mumiyalama üçün akasiya ağacından alınmış mayedən istifadə edirdilər. Bu gün də həmin yapışqanvari mayedən qida sənayesində, (qədimdə gəmi tikintisində) və digər sahələrdə istifadə edilir. Əksər ölkələrdə və kontinentlərdə rast gəlinən Akasiya haqqında çoxlu əfsanələr, sənət əsərləri, ədəbiyyat nümunələri və dinlərdə müxtəlif simvollar var. Demək olar ki, əksər xalqların bu bitki ilə bağlı bir sıra inancları var. Küçələri bağçaları bəzəyən Akasiya ağacı qədimdə bir sıra mədəniyyət və sivilizasiyalarda tibbdə və magik rituallarda istifadə edilirdi.
Qədim Romada çiçəkləmiş Akasiya budağı ov, məhsul-darlıq, həm də müharibə tanrıçası Diananın, Babildə isə İştarın simvoludur.
Slavyanlarda həyatın, doğumun simvolu hesab edildiyinə görə övladı olmayan cütlüklər nəsil artırmaq niyyəti ilə bu ağacın altına gələrdilər.
Amerikanın yerli xalqları akasiyanın köməyilə güclü ruh-ları çağırardılar və inanardılar ki, onların vasitəsilə ən ağır xəstəlikləri belə sağaltmaq, arzuları həyata keçirmək mümkün olur.

Ardı var...
Müəllif: Firəngiz Rüstəmova
"TƏBABƏT VƏ MİFOLOGİYA: GÖRÜNƏN VƏ GÖRÜNMƏYƏN ƏLAQƏLƏR" kitabından