Akasiya latın d. Acacia — Paxlakimilər/Fabaceae ailəsinə mənsub olan, iri çiçəkli bir bitkidir.
Cənnət/Canna/Djjanna; ərəbcə “bağ” deməkdir və Quranda müxtəlif surələrdə adı çəkilir- 47:16–17; 55:54–76; 56:12–39; 76:12–22.
Cənnətə düşənlərin “yam-yaşıl” bağlarda gəzməsindən, heç zaman keyfiyyətini itirməyən, tamını dəyişməyən, süd axan, şərab, bal axan çaylardan, xurma və nar meyvələrindən, tikansız lotos güllərindən və talxa (akasiya?) ağacından, günəş və şaxta olmamasından bəhs olunur.
Dünya dinlərində akasiya hər zaman işığın qaranlıq üzərində, yaxşının şər üzərindəki qələbəsinin rəmzi olub. Qırmızıvə ağ rəngli çiçəkləri olan Akasiya ağacı Qədim Misirdə ölümün və həyatın (Ra günəş tanrısı və müharibə tanrısı Ney-tin) simvolu hesab edilib.
Misirin bitki və heyvanlar aləmi kifayət qədər müxtəlif idi. Vadidə xurma və kokos palması, nar, tut ağacı, ağacabənzər akasiya və digər ağaclar bitirdi.78 Set ilə Horun müharibəsində İsida Şahin quşuna çevrilərək akasiya ağacının zirvəsinə qonmuşdur.
Əfsanəyə görə, Qədim Misir tanrıçası İsida oğlu Horu doğmasına görə Akasiyaya borcludur. Akasiya Qədim Misirdə ruhi, mənəvi yenilənmənin simvoludur. Qədim Misir mifologiyasına görə, Osir və İsidanın oğlu Hor tanrısının yaranmasında, mayalanmasında akasiyanın ro-lu var və ya akasiyadan yaranıb. Çünki İsida oğlu Horu ölmüş və mumiyalanmış Osirdən mayalandırıb. Set tərəfindən öldürülmüş Osirin cəsədini İsida akasiyadan hazırlanmış san-dığın içərisində Nil vadisindən tapır və sandığın ətrafında onu gözdən yayındıran, gizlədən akasiya kolları olduğunu görür. Əfasanəyə görə, öldürülmüş Osirin fallosu tapılmayıb və onu əvəz etmək üçün gildən və ya akasiya ağacından orqanhazırlanıb.

Ardı var...
Müəllif: Firəngiz Rüstəmova
"TƏBABƏT VƏ MİFOLOGİYA: GÖRÜNƏN VƏ GÖRÜNMƏYƏN ƏLAQƏLƏR" kitabından