NATO Rusiyanın hücumuna qarşı müdafiə planı hazırlayıb.

Globalinfo.az xəbər verir ki, bu barədə “Welt” nəşri məlumat yayıb.

Məlumata görə, 4400 səhifədən çox olan plan şərq cinahına diqqət yetirməyi tələb edir. Plan bütün 32 NATO üzvünün iştirakı ilə hazırlanıb.

Plan, NATO-nun şərq cinahını qorumaq üçün hərtərəfli tədbirləri nəzərdə tutur. Xüsusilə, döyüş bölmələrinin gücləndirilməsini, ağır texnikanın yerləşdirilməsini və dronlardan istifadəni tələb edir.

Təqaüddə olan yüksək rütbəli NATO generalı nəşrə bildirib ki, Rusiya NATO ilə toqquşma üçün “sıfır hazırlıq” vəziyyətindədir.

Keçmiş general qeyd edib ki, NATO-ya, xüsusən də Baltikyanı ölkələrə hücum kimi ən böyük təhlükə Ukraynadakı müharibə bitdikdən sonra yaranacaq. Kreml resursları şimala köçürə və işğala başlaya biləcək. Eyni zamanda, ekspertlər və analitiklər iddia edirlər ki, Rusiya ilə NATO arasında tammiqyaslı müharibə hazırda ağılasığmazdır.