Ayaq əzələlərinin və damarlarının ağrısı
Ayaq əzələləri yerimək daxil bir çox hərəkətləri etməkdə bizə köməklik edir. Ayaq damarlarının qanla düzgün qidalanması ən çox bu əzələlər üçün vacibdir. Hərəkət etmədiyimiz zaman ayaqların qana ehtiyacı azdır. Hərəkət zamanı isə bunun tam əksi qana olan ehtiyac daha da artır. Qaçarkən və ya hündür yerlərə çıxarkən qan ehtiyacı qat-qat artır.
Bu səbəblə ayaq damarlarınızda tutulma və ya daralma varsa, hərəkətdə olmadığınız zaman şikayətləriniz olmaya bilər. (səbəb ayaqların qana ehtiyacının az olmasıdır).
Yeriyərkən və ya daha sürətli gəzərkən ağrı olur. Çünki ayağın qana olan ehtiyacı artır və daralma və tıxanıqlıq olduğuna görə ayaqlara lazımi qədər qan getmir. Bu ağrı əsasən baldır əzələlərində olur. Ayaq damar tutulması zamanı ağrı digər ağrılardan məhz bu xüsusiyyətinə görə ayrılır. Yəni yalnız xəstəni dinləyərək diaqnoz qoymaq şansı var.