Burun ətrafı ciblərin iltihabına ümumi olaraq sinusitlər deyilir. Bu ciblər dörd cüt olur: haymor (əng), alın, əsas və xəlbir cibləri. Haymor cibləri ən böyük olub, həcmi 30 kub santimetrə çatır. Onlar əng nahiyəsinin dərinliyində yerləşir.
Sinuslarin içindəki mukoza hər gün maddə ifraz edər və bu ifrazat burnun içinə tökülərək mədə və boğaza düşər. Bədən müqaviməti aşağı olanlar yüksək risk altındadır. Burun və sinus bakteriya və virusların sıx-sıx yerləşdiyi bölgələr olduğundan iltihablanmaya daha çox meylli olurlar. Ancaq normal sinusda iltihab hər zaman olmaz. Əgər sinusun normal çalışmasına mane olan səbəblər varsa, sinusit meydana gələr. Sinusit ən çox soyuqdəymə, qrip kimi infeksion xəstəliklərdən sonra ortaya çıxır. Sinusların burun içinə açılan dəlikləri tutulur və nəticədə ifraz olunan maddə buruna axmır. Sinusların havalanması da korlanır. Bundan əlavə sinus ağızlarını tıxayan axıntı qığırdaq əyriliyi, ət böyüməsi, yad cism, artıq ət kimi hallar da sinuzitin yaranmasını asanlaşdırır.
Sinusitin kəskin və xroniki adlanan iki növü var.
Kəskin sinusitin erkən dövrüdür və müalicəsi çox asandır.
Ancaq xronik sinusit zamanı isə sinuslarda tez-tez iltihablanma baş verir və çox çətin, hətta əməliyyatla müalicə edilir.Kəskin sinusitdə əlamətlər daha şiddətlidir. Xəstəni ən çox narahat edən baş, üz, ağız və göz ətrafındakı ağrılardır. Önə doğru əyiləndə bu ağrı daha da artar. Burun tıxanıqlığı, burun axıntısı, qoxu duymanın azalması, qızdırma, çənə və dişlərdə ağrı, ağız qoxusu, burun qanaması, göz qapaqlarında, üzdə şişmə kimi şikayətlər olur. Öskürək həm kəskin, həm də xroniki sinusitin əlamətidir. Xroniki sinusit uzun müddət davam etsə də, ağrı yüngül olur. Bəzən isə heç olmur. Bundan başqa xroniki sinusitdə burun axıntısı, boğaz ağrısı, burun tıxanıqlığı, öskürək, üzdə şişkinlik və ağız qoxusu şikayətləri olur.
Diaqnozu dəqiqləşdirmək üçün rentgenoqrafiya və ya kompyuter tomoqrafiyası aparmaq lazım gəlir.
Müalicəsi.İlkin mərhələdə fizioterapevtik prosedurlar, antibiotiklər irinin əmələ gəlməsinin qarşısını ala bilər. Antibiotiklərlə birlikdə antihistamin preparatları, damarbüzücü maddələr və spreylər təyin olunur.[/b][b]