Böyük Britaniya hökuməti işğal altındakı İordan çayının qərb sahilindəki İsrail məskunlaşma hərəkatı ilə əlaqəli şəxslər və təşkilatlara qarşı yeni sanksiyalar tətbiq etməyi nəzərdən keçirir.

Publika.az xəbər verir ki, “Middle East Eye”ın məlumatına görə, mümkün tədbirlər arasında İsrail məskənlərində istehsal olunan məhsulların idxalına qadağa qoyulması da müzakirə edilir.

Bundan başqa, bəzi İsrail nazirlərinə qarşı əlavə sanksiyaların tətbiqi məsələsi də gündəmdədir.

Britaniya hökumətində İsrailə hərbi təyinatlı məhsulların ixracının məhdudlaşdırılması və ya qadağan edilməsi variantı da müzakirə olunur.

Lakin bu tədbirlərlə bağlı hələlik yekun qərar qəbul edilməyib.