Çox çörək və un məmulatı yedikdən sonra qarında şişkinlik və qaz yarana bilər. Mütəxəssislər bunun səbəbinin hər zaman qlüten olmadığını, buğdada olan fruktanların da həzm sistemində qaz və narahatlıq yarada biləcəyini bildirirlər.

Medicina.az xəbər verir ki, yeməkdən sonra raziyana və nanə dəmləməsi həzm narahatlığını və şişkinlik hissini azaltmağa kömək edə bilər. Bunun üçün bir stəkan isti suya bir çay qaşığı raziyana toxumu və bir çay qaşığı quru nanə əlavə edib 8-10 dəqiqə dəmləmək məsləhət görülür.

Lakin şişkinlik tez-tez təkrarlanırsa, yalnız bitki çaylarına güvənmək əvəzinə həkimlə məsləhətləşmək tövsiyə olunur.