Tibbdə ən çox solmazçiçəyindən alınmış efir yağlarından istifadə edilir.

Belə ki, bu yağın yarasağaldıcı xüsusiyyəti olduğuna görə ondan çıxıq, əzik nahiyələrinə, hematomalara, epitelizasiyanın sürətlənməsi, ödemlərin sorulması, çapıqların kobud qalmaması məqsədilə işlədilir.
Bu xüsusiyyətlərinə görə kosmetologiyada da geniş marağa səbəb olub və işlədilir.
Solmazçiçəyi haqqında əfsanəyə “Odisseya”da da rast gəlirik. Belə ki, Odisseyin macəralarının birində onun gəmisi tufana düşür və o halsız, yaralı bir vəziyyətdə sahilə atılmış halda qalır.
Yerli çarın qızı Odisseyi sahildə uzanmış və huşsuz halda görür. Qız rəfiqələri ilə birlikdə Odisseyin yaralarını yuyur, ona yemək verir və onun yaralı bədənini solmazçiçəyi yağı ilə yağlayır. Bundan sonra Odissey tezliklə yaxşılaşır.
Solmazçiçəyindən alınmış preparatlar:
- Flamin № 30 - digər terapevtik vasitələrlə birgə və hepatit, xroniki hepatoxolesistit, xolesistit, öd yollarının diskineziyası, lyambilioz, spazmolitik, yaralı kolit və digər xəstəliklərdə işlədilir.

Müəllif: Firəngiz Rüstəmova
"TƏBABƏT VƏ MİFOLOGİYA: GÖRÜNƏN VƏ GÖRÜNMƏYƏN ƏLAQƏLƏR" kitabından