Sloveniyanın, fin şəhəri Mariexamnanın, Rusiyanın Lipetsk vilayətinin, Lipetsk şəhərinin, Zyuzina şəhərinin gerbində, hətta Lipetsk vilayətinin, Lipetsk şəhərinin, Zyuzina şəhərinin bayraqlarında da cökə yarpağının şəkli var.
Almanlarda cökə ağacı tanrıça Freyaya həsr edilmişdi və onun insanları şimşəkdən qorumağa qadir olduğuna inanılırdı.
Avropada, ümumiyyətlə, cökə ağacı müqəddəs ağac hesab edilirdi və kənd adamları onun altında qərarlar verirdilər, məhkəmələr qururdular. Çexiyada, Polşada, Baltik ölkələrində, Balkanlarda onu Ana Tanrıça kultu ilə bağlayırdılar. Çex pullarının birinin (bir kronun) üzərində ayaqyalın bir qadının əlində bel cökə ağacı əkdiyi təsvir edilib.
Bolqarıstanda belə bir inanc var idi: "Troitsa”da: Kamkan ritualı/ölənlərin müqəddəs, sirli birliyi – səhər qadınlar əlində çökə ağacı budağı kilsəyə gəlirdilər, diz çökərək dua edirdilər. Rahib budaqları qutsadıqdan sonra qadınlar həmin qutsanmış budaqları alıb məzarlığa gedərdilər və qəbrin baş ucunda (dəfn olunmuşun başının, “ağzının” olduğu səmtdə) dayanaraq, yar-paqlı budaqları qırmızı çaxırla isladıb ora qoyaradılar, şam yandırardılar. Smoçan kəndində isə kilsədən çıxan qadınlar çökə budaqlarını “sağlıq niyyəti” ilə götürərdilər. Baltik xalqlarında palıd və cökə ağacları folklorda ən çoxxatırlanan ağaclardır. İnsan doğulan zaman ona müəyyən bir ağac həsr olunardı və ağac da həmin yenidoğulmuş uşaq kimi bütün böyümə proseslərini keçmiş olardı. Əgər ağac kəsilərdisə həmin adam ölərdi.

Müəllif: Firəngiz Rüstəmova
"TƏBABƏT VƏ MİFOLOGİYA: GÖRÜNƏN VƏ GÖRÜNMƏYƏN ƏLAQƏLƏR" kitabından