“Rusiya Prezidenti Vladimir Putinin ölkəyə səfər edərsə, Beynəlxalq Cinayət Məhkəməsinin (ICC) həbs qərarına əməl etməyəcəyik”.

Globalinfo.az xəbər verir ki, bunu Macarıstanın xarici işlər naziri Peter Siyarto CNN telekanalına müsahibəsində deyib.

“Macarıstan hakimiyyəti əvvəllər BCM-dən çıxdığını bəyan etmişdi. Buna görə də Budapeşt bu məhkəmə orqanının qərarlarını tanımır”, – nazir bildirib.

O, həmçinin qeyd edib ki, Rusiya lideri bu yay ABŞ-a səfər edib və həbs olunmayıb.

“Ümid edirəm, Avropa İttifaqı (Aİ) Putinin Macarıstana səfərinə mane olmağa cəhd etməyəcək. Rusiya prezidentinin amerikalı həmkarı Donald Trampla danışıqları Ukraynada sülhün əldə olunması üçün vacibdir. Əgər hər hansı ölkə Rusiya prezidentinin təyyarəsinin öz hava məkanı üzərində uçmasına icazə vermirsə, bu, onun sülh istəmədiyi anlamına gələcək”, – diplomat əlavə edib.