Yatıqqanqal bitkisi (endokrin sistemə təsir edən) kortikosteroid təsirə malik olmaqla yanaşı, həm də sedativ, arterial təzyiqi aşağı salan, ürək yığılmalarını artıran, hormonal fona təsir edən bir vasitədir.
Eyni zamanda, bu bitkidən skrofulyoz, seborreyada, səpgili diatezdə uşaqlar üçün müalicəvi vannalar hazırlanır. Maddələr mübadiləsini nizamlamaq, sidikqovucu, tərlədici, həzmi nizamlayıcı, bəzən podaqrada, qaraciyər xəstəliklərində və nevrozlarda da çox effektiv təsir göstərir. İrinli yaralarda bitkinin toz halına salınmış formasından yara səthinə işlətmək, allergiyada dəmləməsi, yatıqqanqalın yağı isə çətin sağalan yaraların müalicəsində istifadə edilir. Həm də bu yağ mədə və 12 b.b.xoralarının müalicəsində də yatmazdan 2 saat əvvəl 1ç/q qəbul etmək faydalıdır.
Yatıqqanqal şirəsi psoriaz xəstəliyində həm kompress, həm də ½ stəkan gündə 3 dəfə dəmləməsindən də daxilə qəbul etmək məsləhətdir.
Tək yatıqqanqal bitkisi özü deyil, onun digər bitkilərlə yanaşı hazırlanan yığımları da maddələr mübadiləsini sürətləndirmək kimi xüsusiyyətə malikdir.
Eyni ölçüdə yatıqqanqal, qara qarağat yarpaqları və rəngli bənövşə götürüb bir qabda xırdalayıb qarışdırmaq, sonra bu qarışıqdan 1x/q şüşə qaba töküb üzərinə 1 stəkan qaynar su əlavə edilir. 1 saat qaldıqdan sonra süzüb ½ stəkan gündə 3 dəfə qəbul etmək lazımdır.

Müəllif: Firəngiz Rüstəmova
"TƏBABƏT VƏ MİFOLOGİYA: GÖRÜNƏN VƏ GÖRÜNMƏYƏN ƏLAQƏLƏR" kitabından