Elizabet kral VI Georqun ilk övladıdır. O, 21 aprel 1926-cı ildə Londonda, babası kral V Georqun 17 Bruton-strit ünvanında yerləşən evində anadan olub. Kraliçanın özündən 4 yaş kiçik Marqaret adlı bacısı olub. Uşaqlıqda Elizabet "Lilibet" deyə çağırıblar. Kral VI Georq qızları haqqında danışarkən, "Lilibet fəxrim, Marqaret isə sevincimdir" deyirmiş.

13 yaşında Yunanıstan və Danimarka şahzadəsi, Dortmut hərbi-dəniz məktəbinin kadeti Filip Mauntbettenlə tanış olur. Hər ikisinin ulu babaları kraliça Viktoriya və şahzadə Albertdir. Elizabet və Filipp 1947-ci ildə ailə həyatı qurub, Filipp Mauntbetten Edinburq hersoqu titulunu alıb. Cütlüyün dörd övladı var: şahzadə Çarlz, şahzadə Anna, şahzadə Endrü və şahzadə Eduard.

İkinci Dünya Müharibəsində kral ailəsinin ölkənin müdafiəsində birbaşa iştirakı səbəbiylə Elizabet Aleksandra Mariya Vindzor könüllü kimi hərbi taksi sürücüsü və mexanik işləyib.

Tarixdə ilk dəfə məhz kraliça II Elizabetin tacqoyma mərasimi televiziya ilə canlı yayımlanıb. 24 mart 1953-cü ildə Vestminster abbatlığında keçirilən mərasimi 20 milyon insan izləyib.

Kraliçanın sevimli Welsh Corgi cinsindən olan itlər artıq 70 ildən çoxdur ki, kral ailəsinin sadiq dostlarıdır. Monty, Emma, Linnet, Willow və Holly adlı itləri onu bütün səfərlərində müşayiət edir.
Ötən il Vindzor sarayında keçirilən "The Queen: Portraits of a Monarch" sərgisində kraliça Endi Uorholun 1985-ci ildə çəkdiyi 4 portretini satın alıb.

Dizayner Hardi Eymis tərəfindən tikilən və kraliçanın 1955-1990-cı illərdə geyindiyi libas eBay onlayn hərracında cəmi 45 avroya satılıb. Tarixi geyimi satışa çıxaran kolleksiyaçı Ayla Klissold, yeni sahibəsi isə gənc dərzi Hanna ter Meylen olub.

BBC telekanalı artıq 2 ildir ki, II Elizabetin dəfn mərasiminin canlı yayımına hazırlaşır. Rəsmi məlumata görə, kraliçanın ölüm günü BBC xüsusi rejimdə çalışacaq və 12 gün ərzində televiziyada əyləncəli proqramların yayımı dayandırılacaq.

Kraliça kosmetik vasitələrdən az istifadə edir. Lakin o, dodaq boyasını ictimaiyyət arasında yeniləməkdən çəkinmir. Seçimi isə onun tacqoyma mərasimi münasibətilə yaradılan "Balmoral" pomadasıdır.

Kraliyyət qanunlarına əsasən, şahzadələr boşanmış qadınlarla ailə qura bilməzlər. İllər öncə kraliçanın əmisi VIII Eduard məhz bu səbəbdən taxt-tacdan imtina etmişdi. Onun aristokrat nəslindən olmayan və boşanmış hersoqinya Uollis Simpsonla ailə qurmaq istəyi ölkədə Konstitusiya böhranıyla nəticələnmişdi. Lakin oğlunun xoşbəxtliyi üçün II Elizabet bu qanunu pozmalı olur. 2005-ci il aprelin 9-da şahzadə Çarlz Kamilla Parker-Boulzla ailə həyatı qurur.

Facebook və Twitter hesablarının mətbuat katibləri tərəfindən idarə olunmasına baxmayaraq, kraliça telefon yazışmalarını özü edir. Şahzadə Uilyamla Harrinin sayəsində Elizabet sms yazmağı öyrənib və nəvələriylə mobil telefon vasitəsilə əlaqə saxlayır.

Kraliça dəbdən düşən geyimlərini nə satır, nə də bağışlayır. Alçaqdaban ayaqqabılar, xəzlər, rəngarəng geyimlər və şlyapalar, həmçinin əlcək və çanta onun stilinin əsas detallarıdır. Mavi, çəhrayı və bənövşəyi sevimli rəngləridir. Kraliçanın stili uzun illərdən bəri yalnız şahzadə Diananın dövründə dəyişib. Saya kostyumlarla yanaşı, o, qarderobuna xallı və damalı parçadan geyimlər əlavə edib. Rəsmi səfərlər zamanı II Elizabet gün ərzində 5 libas dəyişir.

Kraliça üçün dünyanın ən qabaqcıl modelyerləri təmənnasız olaraq, geyimlər tikirlər. Onların mükafatı isə "Britaniya imperiyasının cəngavəri" ali ordeni olur.

2010-cu ilin oktyabrında Böyük Britaniyanın "National Magazine Company" şirkəti tərəfindən jurnal redaktorları arasında keçirilən rəy sorğusuna əsasən, II Elizabet ölkənin ən nüfuzlu 3-cü qadınıdır. Siyahının ilk pilləsində "Harri Potter" haqqında əsərlərin müəllifi, yazıçı Coan Roulinq, ikinci yerdə isə modelyer Viktoriya Bekhem qərarlaşıblar.

Ceyms Bond filmlərinin pərəstişkarı olan kraliça 2012-ci il London Olimpiadasına həsr edilmiş xüsusi videoçarxda çəkilib. O, açılış mərasiminin reklam videosu üçün aktyor aktyor Deniel Kreyqə şəxsən dəvət göndərib.