Qurşaq/Kurşak/Göy qurşağı/Gök kuşağı - Günəş işıqlarının, şüalarının, yağış damlalarına, çənə, sis buludlarına yansıması və qırılması ilə meydana gələn yay formalı bir metereolojik təbiət hadisəsidir. Göy qurşağında günəş şüalarının bütün rəngləri, gözəllikləri görünür. Qırmızı - narıncı-sarı-yaşıl- mavi- bənövşəyi kimi rənglər əmələ gəlir.Yunan tanrılarının kraliçası, 12 Olimp tanrılarından biri, doğumun, nigahın himayədarı olan Gera yer üzü ilə xəbərləşmək istədikdə, xəbərçisi İris bizə göy qurşağı kimi görünən rəngli paltarını geyinərmiş və Geranın xəbərlərini yerə çatdırarmış. Ümid və şans simvolu sayılan göy qurşağına Moğollar Solongo, Buryatlar Holongo deyər.Türk mifologiyasında Alakuşak deyilən göy qurşağı; Humay ananın paltarı, Şamanın göyə çıxdığı körpü sayılır. Göy qurşağı – Rus d. raduqa adlanır. Ra günəş tanrısına gedən gözəl və rəngli, parlaq körpü, yol deməkdir. “Ra” ilə bağlı Rus dilində çox sözlər var. Məsələn, raduqa, radost, rada, Radoqost (tanrı), rassvet, Ra çayı (Volqa çayının qədim adlarından biri), rabota - Ra tanrısının qullarının əməyi deməkdir. Radunisa Volxvovun yardımçısıdır. Rağ isə Ləzgi dilində günəş deməkdir.
F. Rüstəmova