Dünyanı lərzəyə salan sevgi xəstəliyi!
Adel sindromu öz adını məşhur fransız yazıçısı Viktor Hüqonun qızı Adelin adından götürüb. O qeyri-adi sevgisiilə tarixə düşmüş qadınlardan biridir. Adel ailədə beşinci uşaq olub. O, çox gözəl qadın və istedadlı pianoçu idi. Lakin onun psixi sağlamlığı get-gedə zəifləyirdi. 1843-cü ildə böyük bacısı, 19 yaşlı Leopoldinanın ölümü ona ciddi təsir edir. 1852-ci ildə Adel atasının ardınca Hernsi adasına gedir. Orada da ciddi depressiya yaşayan qızın vəziyyəti gün-gündən pisləşir. 1858-ciildə Fransaya qayıdır ki, müalicə alsın. Adel çox gözəl və istedadlı qadın idi. Lakin ona uzanan kişi əllərindən birmənalı olaraq imtina edirdi. Özünü sevgidən uzaq hesab edirdi. 1861-ci ildə İngiltərədə səyahət zamanı Adel; Pinson adlı bir zabitlə tanış olur və ona dəlicəsinə vurulur. Adel Pinsonla tanış olan kimi başa düşür ki, zabit onun həyatının sevgisidir. Qərar verir ki, ona ərə getməlidir. Lakin Pinson bunun üçün heç də tələsmir.Sonralar isə qadının dəlicəsinə sevgisindən bezərək ondan qaçmağa başlayır. Lakin Adel ondan əl çəkmir. Hətta Pinsonun polkunun olduğu şəhərə gedərək, yataqxanada nömrə tutur ki, onun yaxınlığında olsun. O zabitə sevgi məktubları yazır, onun bütün qumar borclarını ödəyir, hətta sevgilisi üçün fahişə belə tutur. Adel özü hiss etmirdi ki, psixologiyası pozulub. Ətrafındakılara, hər kəsə Pinsonla evli olduğunu deyirdi və özü də buna inanırdı. Lakin Adelə məhəl qoymayan Pinson tezliklə başqası ilə evlənir və ata olur. Hüqonun qızının sevgisindən yorulmuş zabit ona hər dəfə izah edir ki, ümid bəsləməsin, Fransaya qayıtsın. Lakin sevgisindən əl çəkməyən qadın hər gün onun kazarmasının qarşısında gözləyir. Zabit görünən kimi sakitcə onun dalınca düşüb evinə qədər gedir. Sondan tamamilə kasıblamış, üzülmüş və ağlını itirmiş Adeli bir nəfər Fransaya aparır. Atası onu San-Mandedəki ruhi xəstəxanaya yerləşdirir. Viktor Hüqonun ölümündən sonra Adeli Syurendəki xəstəxanaya köçürürlər. O,ömrünün sonuna - 1915-ci ilə qədər xəstəxanadan çıxmır və heç vaxt özünə gəlmir. 85 yaşında xəstəxanada ölür. Ölərkən də dodaqlarında Albert adı olur. Ölümündən sonra Adelin yanından çox sayda Pinsonun ünvanına çatdıra bilmədiyi sevgi məktubları tapırlar. O məktubları göndərə bilməmişdi...
Adel sindromu tibbdə geniş tanınmasa da tez-tez platonik, dəlicəsinə sevgi hadisələrindən danışılarkən istifadə edilən termindir.

Hazırladı: F. Rüstəmova