Mətbəxdə soyuducunun qapısında müxtəlif mövzularda maqnitlərdən kolleksiya yığanlar az deyil. İlk baxışda çox xoş və məsum görünən bu məşquliyyət bəzi hallarda ağır nəticələr verə bilməsi heç kimin ağlına belə gəlməz. Tanıdığımiz adi ferrit maqnitlər yox, neodimdən alınmış boz maqnitlər sağlamlığa çox ziyandır. Neodim maqnitlər çox ucuz başa gəldiyindən onlardan kompüter disklərində, dinamiklərdə, qulaqcıqlarda, müxtəlif oyuncaqlarda, bəzəklərdə, hətta geyimdə belə istifadə edilir. Məişət maqnitləri əsasən ürəyində elektron kardiostimulyator olanlara daha çox ziyan verir. “Hearth Rythm” jurnalının məlumatına görə neodimdən olan maqnitin 3 sm radiusda yerləşməsi kifayətdir ki, elektron ürək qurğusu destabilizasiya olsun.İsveçrədə Zürix universitet klinikasının tədqiqatçıları 70 kardioloji pasiyent üzərində analiz ediblər. Hansı ki, pasiyentlərin 41 nəfərində kardiostimulyator vardı, 29 nəfəri isə defibrilyator vasitəsilə ölümdən dönmüşdülər. Neodimdən olan adi 8 qramlıq maqnitlər 3sm məsafəyə qədər yaxınlaşdırıldıqda modelindən və istehsalçısından asılı olmayaraq istənilən ürək qurğusunun işi tormozlanıb. Ürəyində kardiostimulyator olan insanın ictimai nəqliyyatda və ya pik saatlar zamanı istənilən yerdə neodim maqnitdən olan təhlükə mənbvəyi ilə rastlaşması ehtimalı böyükdür. Aparıcı tədqiqatçı Tomas Volber deyir ki, sağlamlığa olan potensial risk haqqında həm həkimlər xəstələri başa salmalıdır, həm də maqnit istifadə olunmuş məişət əşyalarının bağlaması üzərində bu barədə informasiya olmalıdır.