Kiraz/Vişnə/Gilanar/Albalı – Baharın müjdəçisi sayılır. Botaniki adı Kerasus olan bu cənnət meyvəsi Kerak/Kerasunda/Kerasunt adlanan Qara Dəniz sahili ərazidən dünyaya yayılması ehtimal edilən şəhərlə bağlıdır. Bu meyvənin Yaponiyada bar verməyən növü var ki, ona Sakura deyirlər. Sakura – Kiraz çiçəkləri deməkdir. Yaponiyada yenidən doğumun simvolu hesab edilir. Kiraz çiçəkləri həm yarpaqdan əvvəl çiçək açır, həm də solmadan budaqlardan töküldüyünə görə ölümün də simvolu hesab edilir. Belə ki, Sakura çiçəkləri çox az ömürlü olduğuna görə insan ömrü ilə müqayisə edilir. Martın son həftəsi ilə aprelin ilk həftəsi arasında çiçəkləyən Sakura ağacının gözəlliyini görmək üçün Yaponiyada keçirilən festivala çox sayda turist gedir. Çəhrayı və ağ rəngə çalan Sakura çiçəkləri Yaponiyanın emblemidir. Kiraz ağacı eradan 8000 il əvvəl Anadoludan Danimarkaya, İsveçrəyə və bütün dünyaya yayılmışdı. Buddanın anası Mayya onu dünyaya gətirərkən, Sala adlanan vişnə ağacı qadının tanrısallığını bilib və onun qarşısında əyilərək öz meyvələrini ona təqdim edib. Çində də Kiraz ağacı müqəddəs sayılır və qadın gözəlliyinin, təbiətin qadın başlanğıcının simvolu hesab edilir. Gilanarın bir növü də bizdə gilas adlanır. Günəşdən rəng almış bu gözəl meyvənin adında elə günəşin adları gizlidir; “Kolo” günəşin Hiperboreyadan qalma, ən qədim adlarından biri . Kiraz Alban d. “qershi”, Friz, İngilis, Şotland d. “cherri”, Bask d. “gerezi”,Bolqar d. “çereşa”, Vall d. “ceirios”, Qalisiya d. “cereixa”, Norveç , Dat d. “kisebaer”, İspan d. “cereza”, Katalan d. “cirera”, Latın d. “ceratus”, Latış d. “kirsis”, Malta d. “cirasa”, Alman d. “kirsche”, Niderland d. “kers”, Portuqal d. “cereja”, Rumın d. “cireş”, Slovak d. “cereşna”, Filippin d. “seresa”, Fransız d. “cerise”, İsveç d. “körsbar”, Eston d. “kirss” və s. deyilir.
“Hor sivilizasiyası və onun günümüzdə izləri” kitabından. F. Rüstəmova