Zər aləmi- İxlas. biz yazır: ”İslamda insanın bu dünyaya gəlməmişdən qabaq olduğu bir dünyadır. Zər aləmində zaman və məkan yoxdur. İnsan orada hər zaman Allahladır və onun dərgahında həmişə hazırdır. Bu aləmdə olan zaman insan; Allahın rübubiyyətini təsdiq edir”. İnsanın Allahla hər zaman birlikdə olduğu, doğumdan öncəki Zər aləmi və yenidən doğumun tanrısı Azər... Yenidən doğumun tanrısı Zər/Azər/Osir və insanın hər zaman Allahla olduğu Zər aləmi... Dilimizdə ayrılığı ifadə edən bir “İntizar”sözü də vardır. “İntizar”sözünü həm ayrı qalmaqla, ezoterik mənada bir- birindən sanki gözə görünməz qişalarla, pərdələrlə ayrı düşmək, “İn/gizlin/gözdən, nəzərdən uzaq”olmaq kimi qəbul etmək olar. Həm də nəzərə alsaq ki, “Zər”günəş şüası, parıltıdır, onda da görə bilməmək kimi anlaşıla bilər. Eyni zamanda “İnti” yerli Amerika qızıldərililərinin danışdığı; “İnk” və “Keçua”dilində “günəş” deməkdir, həm də Günəş tanrısının adıdır. Argentina, Peru, Uruqvay kimi ölkələrin bayraqlarında İnti adlanan Günəş tanrısının; 16, 32 saçaqlı, günəş simalı şəkilləri var. İntizar sözünü ümumilikdə; ayrılıq mənasında, ad olaraq isə “Günəşin zərləri” kimi qəbul etmək daha doğru olar. Çünki “İntizar/günəş” hər gün bizimlədir, həyatımızdadır.
F.Rüstəmova