“Əgər müharibə başlasa, bu dəfə regional müharibə olacaq”.

Globalinfo.az xəbər verir ki, bunu İranın ali lideri Əli Xamenei deyib.

O bildirib ki, ABŞ-ın müharibədən, təyyarələrdən və gəmilərdən danışması yeni bir məsələ deyil:

“ABŞ Prezidenti Donald Trampın regiondakı gəmilərlə bağlı açıqlamaları əhəmiyyətsizdir. İran xalqı bu təhdidlərdən təsirlənməyəcək. Biz müharibəni başlayan tərəf deyilik və heç bir ölkəyə hücum etmək istəmirik. Amma İran xalqı hücumlara qarşı sərt şəkildə müdafiə olunacaq”.

Qeyd edək ki, yanvarın 26-da Donald Tramp nəhəng bir qoşunun İran istiqamətində hərəkət etdiyini bəyan edib. O, Tehranın danışıqlar masasına əyləşəcəyinə və nüvə silahından tam imtinanı nəzərdə tutan “ədalətli və bərabərhüquqlu” saziş imzalayacağına ümid etdiyini bildirib.

ABŞ lideri xəbərdarlıq edib ki, növbəti hücum daha da ağır olacaq. O, buna yol verilməməsinə çağırıb.