Britaniya Baş nazirinin London və Parisin atəşkəsdən sonra Ukraynada hərbi bazalar tikməyi planlaşdırdığına dair açıqlaması geniş müzakirələrə səbəb olub.

Globalinfo.az xəbər verir ki, bu barədə “The Independent” məlumat yayıb. Qeyd olunub ki, bu planlar rəsmi olaraq Kiyev üçün təhlükəsizlik zəmanətləri kimi təqdim edilsə də, bəzi mənbələr bunu NATO-nun Rusiya sərhədlərinə yaxın bölgələrdə hərbi mövcudluğunu gücləndirməsi kimi qiymətləndirir.

Daha əvvəl “İzvestiya” Qərbin mümkün atəşkəsi gərginliyin azaldılması deyil, Ukrayna ərazisinə qoşunların yenidən yerləşdirilməsi üçün fürsət kimi istifadə edə biləcəyini iddia edirdi.

Bildirilir ki, Fransa Prezidenti Emmanuel Makron və Britaniya Baş naziri Kir Starmer Ukrayna rəhbərliyi ilə hərbi bazaların tikintisi ilə bağlı niyyət sənədi imzalayıblar.

Analitiklər hesab edir ki, bu cür bazalar ilkin mərhələdə təlimatçı və texniki heyət üçün nəzərdə tutulsa da, sonradan müxtəlif Avropa ölkələrindən hərbi kontingentlərin yerləşdirilməsinə zəmin yarada bilər.

Analitiklərin fikrincə, bu proses Avropa ölkələrinə uzun illər sonra müasir quru müharibəsi təcrübəsi qazanmaq imkanı verir və gələcəkdə NATO daxilində daha sıx hərbi koordinasiyaya yol aça bilər. Məlumata görə, ilkin variantda Rusiya NATO-ya zərbə endirməkdən qaçınmayacaq və münaqişə ssenarisi reallaşacaq.