Şimali Atlantika Alyansı (NATO) Kiyevə yardımı əlaqələndirəcək Ukrayna üzrə xüsusi nümayəndə postunun yaradılması imkanını nəzərdən keçirir.

Publika.az xəbər verir ki, bu barədə "Foreign Policy" jurnalı yazıb.

Yeni mövqenin yaradılması zərurəti NATO-nun Ukrayna qarşısında üzərinə götürdüyü uzunmüddətli öhdəliklərlə izah olunur.

Nəşrin həmsöhbətlərinin fikrincə, böyük mülki nümayəndə vəzifəsi Əfqanıstanda hərbi ittifaqın olduğu vaxtlarda yaradılan vəzifəyə bənzəyəcək.

Qeyd edilib ki, Ukrayna üzrə xüsusi nümayəndə Kiyevdə olacaq və alyansdan Ukraynaya dəstəyi, o cümlədən müxtəlif Qərb ölkələrindən Kiyevə hərbi yardım axınını əlaqələndirəcək.

İyunun 7-də Ukraynanın baş nazirinin Avropa və Avro-Atlantika inteqrasiyası üzrə müavini Olqa Stefanişina bildirib ki, Kiyev NATO-nun 2024-cü ilin iyulunda keçiriləcək NATO sammitində ölkənin üzvlük məsələsi ilə bağlı addımlar atacağını gözləmir.

Bundan əvvəl ABŞ prezidenti Co Bayden etiraf edib ki, Ukrayna Rusiya ilə hərbi münaqişə bitdikdən sonra NATO-dan kənarda qalacaq, lakin Vaşinqton onu silahla təmin etməyə davam edəcək.

Hüseyn İbadlı