Birləşmiş Ərəb Əmirliklərinin (BƏƏ) Müdafiə Nazirliyi Yəməndə həyata keçirdiyi əməliyyatı “könüllü şəkildə” başa çatdırdığını elan edib.

Globalinfo.az xəbərinə görə, nazirliyin yaydığı rəsmi açıqlamada bildirilib ki, bu qərar son hadisələrin hərtərəfli təhlilindən sonra qəbul olunub.

Qeyd edilib ki, BƏƏ bundan sonra Yəməndə hərbi əməliyyatlarda iştirak etməyəcək.

Məlumata görə, bu bəyanat Səudiyyə Ərəbistanının ötən gecə BƏƏ-dən göndərildiyi iddia edilən və Yəmənin husilər hərəkatına çatdırılması nəzərdə tutulan silah partiyasına zərbə endirməsindən sonra səsləndirilib. Hadisə regionda müttəfiq ölkələr arasında gərginliyin artdığı bir vaxta təsadüf edir.

Hazırda məsələ ilə bağlı Səudiyyə Ərəbistanı tərəfindən rəsmi açıqlama verilməyib.