ABŞ-nin 5-ci Donanmasının sözçüsü, komandan Tim Houkins bildirib ki, İran, Səudiyyə Ərəbistanı və Fars körfəzinin digər ölkələrinin anons etdikləri dəniz ittifaqı faktı “sağlam düşüncəyə ziddir”.

Hərbçi bəyan edib ki, Tehranın hərəkətləri regional dəniz təhlükəsizliyini təhdid edir.

Qeyd edək ki, ABŞ Hərbi Dəniz Qüvvələrinin 5-ci Əməliyyat Donanması əvvəllər 1944-1947-ci illərdə mövcud olub, lakin 1995-ci ilin ortalarında yenidən fəaliyyətə başlayıb. Onun məsuliyyət zonasına Hind okeanının qərb hissəsi və Fars körfəzi daxildir. Donanmanın əsas bazası Bəhreynin paytaxtı Manamadır.
Xatırladaq ki, iyunun 3-də İran Hərbi Dəniz Qüvvələrinin komandanı kontr-admiral Şəhram İrani ölkəsilə birgə Səudiyyə Ərəbistanı, Birləşmiş Ərəb Əmirlikləri və regionun digər dövlətlərinin daxil olacağı yeni dəniz ittifaqının tezliklə yaradılacağını elan edib.

Mənbə: rossaprimavera.ru