Avropa liderlərinin zəifliyi və eskalasiyadan qorxusu qitəni getdikcə daha həssas vəziyyətə salır.

Globalinfo.az xəbər verir ki, bu barədə “Telegraph” qəzetinin köşə yazısında qeyd olunub. Müəllifin fikrincə, əgər Vaşinqton müttəfiqlik öhdəliklərini təsir dairələri yanaşması ilə əvəz edərsə və Brüssel bürokratik tərəddüddən çıxa bilməzsə, Avropa İttifaqını gələn il daha ciddi sınaqlar gözləyir.

Məqalədə vurğulanır ki, Avropanın Ukraynanı müdafiə etməkdə yetərincə qətiyyət göstərməməsi və ABŞ-ın, xüsusilə Donald Trampın mövqeyinə həddindən artıq güvənməsi qitəni təhlükəli vəziyyətə salıb. Bununla yanaşı, müəllif üfüqdə daha böyük fəlakət riskinin yarandığını iddia edir.

Qeyd olunur ki, Miladdan əvvəl Aİ liderləri Brüsseldə keçirilən sammitdə bir araya gəliblər. Zirvə toplantısında Ukraynanın Aİ-yə üzvlüyü istiqamətində irəliləyiş vurğulansa da, sülh şərtlərini müəyyən etmək hüququ yalnız Ukraynaya məxsusdur kimi bəyanatlar real birlik nümayiş etdirməyib.

Yazıya görə, bəzi ölkələr açıq şəkildə Moskvanın mövqeyinə yaxın durub, digərləri isə ehtiyat və qorxu səbəbilə passiv mövqe tutub.