Macarıstanın Baş naziri Viktor Orban bildirib ki, cari həftə Ukraynada potensial sülh üçün həlledici olacaq.

Publika.az xəbər verir ki, Orban bu açıqlamanı bu gün, 15 dekabrda jurnalistlərlə söhbətində bildirib.

Siyasətçinin sözlərinə görə, məsələ aydındır: "ya müharibə, ya da sülh". O, həmçinin qeyd edib ki, Ukraynadakı münaqişəyə son qoymaq ehtimalı heç vaxt bu qədər yaxın olmayıb.

Orbanın sözlərinə görə, avropalıların dörd ildir həll edə bilmədiyi münaqişə tezliklə amerikalılar tərəfindən həll edilə bilər. “Onların sadəcə dəstəyə ehtiyacı var”, - Orban deyib.

Eyni zamanda, Macarıstanın Baş naziri əlavə edib ki, Rusiya aktivlərinin müsadirəsini Aİ-nin Rusiyaya qarşı açıq müharibə elan etməsi hesab edir.