Orban Avropada sülh naminə Trampın Ağ Evə qayıtmasını istəyir.

Publika.az xəbər verir ki, Macarıstanın baş naziri Viktor Orban Donald Trampın ABŞ prezidentliyinə qayıdışının Ukrayna böhranına son qoya biləcəyini düşünür. O, bu barədə Budapeştdə mühafizəkar siyasi partiyaların konfransı zamanı bildirib.

Orban, həmçinin amerikalı iş adamının Ağ Evə qayıdacağına, Amerikanı yenidən möhtəşəm edəcəyinə və Avropa ölkələrinə sülh gətirəcəyinə ümid etdiyini vurğulayıb.

Eyni zamanda, Macarıstanın baş naziri gürcü həmkarı İrakli Qaribaşvilini tərifləyərək, “sülhü qoruyaraq Rusiyanın kölgəsində yaşamağı” ondan öyrənməyi məsləhət görüb.

Qeyd edək ki, bir müddət öncə Orban öz "Twitter" hesabında NATO-nun baş katibi Yens Stoltenberqin hərbi-siyasi blokun bütün üzvlərinin Ukraynanın alyansa qoşulmasını gözlədiyi barədə sözlərinə emosional reaksiya verib.