Türkiyə yaxın altı ay ərzində Ermənistanla quru sərhədinin açılmasını müzakirə edir.

Publika.az xəbər verir ki, bu barədə məlumatı “Bloomberg” agentliyi mənbələrinə istinadən yayıb.

Agentlik məsələ ilə bağlı Türkiyə və Ermənistan Xarici İşlər nazirliklərindən hələlik heç bir şərh almayıb.

Ötən həftə Türkiyə Ermənistan nümayəndələri Axurik-Akyaka sərhəd-keçid məntəqəsində və Gümrüdə görüşüblər. Görüşdə Gümrü-Qars dəmiryolunun bərpası və istismarı ilə bağlı texniki məsələlər müzakirə olunub.

Ermənistanın baş naziri oktyabr ayında bildirmişdi ki, Türkiyə ilə sərhədin tezliklə açılacağına ümid edir. Türkiyənin xarici işlər naziri Hakan Fidan isə bəyan etmişdi ki, Ermənistan Azərbayanla yekun sülh sazişi imzaladıqdan sonra Türkiyə münasibətlərin normallaşmasına hazır olacaq.