Türkiyə milli maraqlara əsaslanan xarici siyasət konsepsiyasına sadiq qalmağa davam edəcək.

Publika.az “Anadolu” agentliyinə istinadən xəbər verir ki, bunu səlahiyyətlərinin təhvil alınması ilə bağlı tədbirdə Türkiyənin yeni xarici işlər naziri Hakan Fidan deyib.

Fidan Türkiyənin maraqlarını qorumaq və təşviq etmək, ölkənin bütövlüyü, təhlükəsizliyi və rifahına töhfə vermək üçün maksimum şəkildə çalışacağına söz verib.

O, həmçinin Mövlud Çavuşoğluya Türkiyə Xarici İşlər Nazirliyinin rəhbəri kimi uzun illər nümayiş etdirdiyi gərgin əmək fəaliyyətinə görə təşəkkür edib.

Qeyd edək ki, Hakan Fidan bundan əvvəl Türkiyə Kəşfiyyatının (MİT) rəhbəri və Ərdoğan hələ baş nazir olarkən onun müşaviri vəzifəsində çalışmış keçmiş hərbçidir.

Mehti Kamiloğlu