"Nikol Paşinyanın kilsəyə və II Qareguinə qarşı elan etdiyi müharibə yeni mərhələyə qədəm qoyub: uzun sükutdan sonra din xadimləri əks-hücuma keçib.

Publika.az xəbər verir ki, bu barədə “Hraparak” nəşri yazıb.

“Katolikos adını rədd edən, onun vəftizindən imtina etmiş olur”, - keşiş Ararat Poqosyan deyib.

"Erməni Patriarxı inzibati deyil, simvolikdir. Tanrı tərəfindən seçilmiş və xeyir-dua verən ruhani liderdir. Ona görə də onun şəxsiyyətinə və ya nüfuzuna hörmətsizliyin hər hansı bir təzahürü təkcə katolikoslara deyil, həm də Kilsəyə, erməni millətinə və Allaha hörmətsizlik kimi qəbul edilir”, - o əlavə edib.

Tatev arxiyepiskopu isə deyib: “Müqəddəs Eçmiədzinin Ana taxtında qəbul edilən şəxs Müqəddəs Eçmiədzinə xəyanət edə bilməz... Həzrətləri hakimiyyətin katolikosu deyil, bütün ermənilərin katolikosudur”.

Nər bildirib ki, kilsə nümayəndələrinə tapşırıq gəlib: onlar gündəlik olaraq öz səhifələrində katolikosun ruhanilərin dəstəyini aldığını və hökumətin kampaniyasının proporsional etirazla qarşılandığını göstərən videolar çəkib dərc edəcəklər.